O antigo matadoiro municipal de Gondomar, obra que data de finais dos anos corenta do arquitecto Enrique Álvarez-Sala y Moris, atopábase en desuso dende hai mais de 15 anos. Polo seu valor histórico e arquitectónico e a súa posición en relación a Vila de Gondomar, proponse a súa conservación e rehabilitación.

Conta con unha posición estratéxica no centro urbano da Vila de Gondomar, polo que se presenta coma un emprazamento idóneo para a localización dunha dotación municipal vencellada ó río e os seus recursos, así como á recuperación da identidade labrega da ViIla.

A rehabilitación integral, necesaria para acadar un uso axeitado, debe ter en conta, por unha banda, a súa tipoloxía edificatoria, edificio en planta de forma de U, pero sobre todo a súa posición respecto do río Zamáns e Morgadáns, que provoca que en época de chuvias se produce o asolagamento do ámbito e do propio edificio.

Esta situación condiciona o uso e actividades os que se pode destinar o edificio. O proxecto de rehabilitación asume a realidade de que o edificio se pode asolagar uns días o ano, e proxectase a rehabilitación do edificio entendendo este como un contedor no que se poden desenvolver distintas actividades, pero non se pode destina a un uso concreto e estable no tempo.

A intervención pensa o edificio como un espazo polivalente, un posible espazo didáctico e cultural onde poder amosar os recursos hídricos da Vila e o patrimonio cultural da mesma, ou un espazo onde poder facer actividades sociais, exposicións, mostras de produtos típicos, así como calquera outra que de acordo cos condicionantes de asolagamento e posición do edificio sexan posibles.

As distintas fases do proxecto asumen a realidade física do edificio, proxectase recuperar o edificio orixinal eliminando os engadidos realizados durante a vida útil do edificio como matadoiro. Liberase o espazo interior do edificio coa idea de crear ese epazo contedor que poida albergar os distintos usos polivalentes que se poden desenvolver e acondicionase o edificio instalando un sistema de peche do edificio e iluminación.

O proxecto se desenvolveu en 5 fases de execución de forma que a actuación se puidese financiar con distintas subvencións.